1952 წლის თებერვალში 25 წლის იუბერმა გახსნა სახლი Givenchy და მაღალი მოდის ისტორიაში ყველაზე ახალგაზრდა დიზაინერი გახდა. შემდეგ სეზონზე კუტიურიეს კოლექცია იხილა მსოფლიომ. უფინანსობის გამო სამოსი უბრალო ქსოვილისგან იკერებოდა, მაგრამ ჩვენებაში ბეტანი გრაციანის მონაწილეობის მიღების გამო, ახალგზარდა ავტორმა ჯერ პარიზში, ხოლო შემდეგ მთელ მსოფლიოში მოიპოვა აღიარება.
1954 წელს ჟივანში თავისი ცხოვრების მუზას - ოდრი ჰეპბერნს შეხვდა. ფილმისთვის „საბრინა“ მსახიობის ჭეშმარიტი ფრანგული შიკის შექმნაზე Givenchy-მ იზრუნა. ფილმის გამოსვლის შემდეგ მოდის სახლს კლიენტების ზღვა მიაწყდა. იუბერ დე ჟვანში და ოდრი ჰეპბერნის მეგობრობამ მთელი ცხოვრება გასტანა. ეს უნიკალური შემოქმედებითი ტანდემი იყო, რომელმაც მსოფლიოს ფილმიდან „საუზმე ტიფანისთან“ შავი კოქტეილის კაბითა და გრძელი აბრეშუმის ხელთათმანებით ნამდვილი პარიზული სტილი აჩუქა. ჟივანშის არაერთხელ აღუნიშნავს, რომ ოდრი სწორედ იმ ქალის განსახიერებაა, რომლისთვისაც ის თავის კოლექციებს ქმნის. მსახიობი სიცოცხლის ბოლომდე მოდელიერისთვის შეუცვლელი მუზად დარჩა.


კიდევ ერთი სტილის დედოფალი, რომელიც სწორედ Givenchy-ს ანიჭებდა უპირატესობას, იყო აშშ-ის პირველი ლედი ჟაკლინ კენედი. პრეზიდენტის ცოლი ხშირად ჩნდებოდა ოფიციალურ მიღებებზე დიზაინერის კაბებში.

1953 წელი იუბერ დე ჟივანშის ცხოვრებაში მნიშვნელოვან წლად აღინიშნა - ამ წელს გაიცნო მან კრისტიან ბალენსიაგა (Cristobal Balenciaga), რომელსაც დიზაინერი თავის მთავარ მასწავლებლად თვლიდა. ჟივანში ერთადერთი ადამიანი იყო, ვისაც სახელგანთქმული კუტიურიე თავის კოლექციებს ჯერ კიდევ დამუშავების პროცესში აჩვენებდა. ბალენსიაგას მოდის სახლის დახურვის შემდეგ ბალენსიაგამ თავისი საუკეთესო კლიენტები ჟივანშის გადაულოცა.
pret-a-porter-ის მასიური წარმოებისთვის კოლექცია პირველმა სწორედ ჟივანშიმ მოიფიქრა. მოდელიერს ყოველთვის სურდა შეეკერა სამოსი ფართო აუდიტორიისთვის. 1068 წელს გამოვიდა კებების კოლექცია, ხოლო 5 წლის შემდეგ მამაკაცების სამოსიც ჩაეშვა მასიურ წარმოებაში.
მოდელიერი საგულდაგულოდ მალავდა დეტალებს თავისი პირადი ცხოვრებიდან. მიუხედავად ამისა, ჟურნალისტები ხშირად მიაწერდნენ მას რომანს ოდრი ჰეპბერნთან. ჟივანშიმ მხოლოდ ერთხელ მოყვა ისტორია გოგონაზე, რომელმაც ერთხელ მის მაღაზიაში შეიხედა და შედეგად მდივნის სამსახური მიიღო 1995 წელს ბენდის გაყიდვის შემდეგ, იუბერი წავიდა მოდის სამყაროდან და დაიწყო თავისთვი საინტერესო სფეროში აქტიურად მუშაობა: კრისტობელ ბალენსიაგას გამოფენის ორგანიზება, ვერსალისი სამეფო ბაღების რესტავრირება და საფოსტო მარკების დიზაინი. „უკანასკნელი ფრანგი კლასიკოსის“ სახელი სამუდამოდ ჩაიწერა საფრანგეთის და მსოფლიო მოდის ისტორიაში ისეთი გენიოსების გვერდით, როგორებიც იყვნენ კრისტობელ ბელენსიაგა, კრისტიან დიორი და კოკო შანელი.